นอกุสลํ นสนิทสฺสนสปฺปฏิฆญฺจ นอพฺยากตํ นสนิทสฺสนสปฺปฏิฆญฺจ ธมฺมํ ปฏิจฺจ อพฺยากโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นกุสลํ นสนิทสฺสนสปฺปฏิฆญฺจ นอกุสลํ นสนิทสฺสนสปฺปฏิฆญฺจ ธมฺมํ ปฏิจฺจ อพฺยากโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ เหตุยา ฉฯ

[26] นกุสลํ นอนิทสฺสนสปฺปฏิฆํ ธมฺมํ ปฏิจฺจ อพฺยากโต อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ฉฯ

นกุสลํ นอนิทสฺสนอปฺปฏิฆํ ธมฺมํ ปฏิจฺจ อพฺยากโต อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ

2-1. เวทนาตฺติก-กุสลตฺติกํ

[27] นสุขาย เวทนาย สมฺปยุตฺตํ นกุสลํ ธมฺมํ ปจฺจยา สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ นกุสลํ ธมฺมํ ปจฺจยา อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ ทฺเวฯ

นทุกฺขาย เวทนาย สมฺปยุตฺตํ นกุสลํ ธมฺมํ ปจฺจยา สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ นทุกฺขาย เวทนาย สมฺปยุตฺตํ นกุสลํ ธมฺมํ ปจฺจยา อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ ทฺเวฯ

นอทุกฺขมสุขาย เวทนาย สมฺปยุตฺตํ นกุสลํ ธมฺมํ ปจฺจยา อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ นอทุกฺขมสุขาย เวทนาย สมฺปยุตฺตํ นกุสลํ ธมฺมํ ปจฺจยา สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ ทฺเวฯ (จตฺตาริ คณิตเกน ทฺเว ทฺเว ปญฺหา กาตพฺพาฯ) เหตุยา จุทฺทสฯ

[28] นสุขาย เวทนาย สมฺปยุตฺตํ นอกุสลํ ธมฺมํ ปจฺจยา สุขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ นอกุสลํ ธมฺมํ ปจฺจยา ทุกฺขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ เหตุยา เอกวีสฯ

[29] นสุขาย เวทนาย สมฺปยุตฺโต นอพฺยากโต ธมฺโม สุขาย เวทนาย สมฺปยุตฺตสฺส อพฺยากตสฺส ธมฺมสฺส อารมฺมณปจฺจเยน ปจฺจโย… อารมฺมเณ จุทฺทสฯ

3-1. วิปากตฺติก-กุสลตฺติกํ

[30] นวิปากํ นกุสลํ ธมฺมํ ปจฺจยา วิปากธมฺมธมฺโม กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นวิปากํ นอกุสลํ ธมฺมํ ปจฺจยา วิปากธมฺมธมฺโม อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นวิปากํ นอพฺยากตํ ธมฺมํ ปฏิจฺจ เนววิปากนวิปากธมฺมธมฺโม อพฺยากโต ธมฺโม อุปฺปชฺชติ เหตุปจฺจยา… เหตุยา ตีณิฯ

4-1. อุปาทินฺนตฺติก-กุสลตฺติกํ

[31] นอนุปาทินฺนุปาทานิยํ นกุสลํ ธมฺมํ ปจฺจยา อนุปาทินฺนุปาทานิโย กุสโล ธมฺโม อุปฺปชฺชติ เหตุปจฺจยา… เหตุยา ฉฯ

นอนุปาทินฺนุปาทานิยํ นอกุสลํ ธมฺมํ ปจฺจยา อนุปาทินฺนุปาทานิโย อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นอุปาทินฺนุปาทานิยํ นอพฺยากตํ ธมฺมํ ปฏิจฺจ อนุปาทินฺนุปาทานิโย อพฺยากโต ธมฺโม อุปฺปชฺชติ เหตุปจฺจยา… เหตุยา ปญฺจฯ

5-1. สํกิลิฏฺฐตฺติก-กุสลตฺติกํ

[32] นสํกิลิฏฺฐสํกิเลสิกํ นกุสลํ ธมฺมํ ปจฺจยา อสํกิลิฏฺฐสํกิเลสิโก กุสโล ธมฺโม อุปฺปชฺชติ เหตุปจฺจยา… เหตุยา ฉฯ

นสํกิลิฏฺฐสํกิเลสิกํ นอกุสลํ ธมฺมํ ปจฺจยา สํกิลิฏฺฐสํกิเลสิโก อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นสํกิลิฏฺฐสํกิเลสิกํ นอพฺยากตํ ธมฺมํ ปฏิจฺจ อสํกิลิฏฺฐสํกิเลสิโก อพฺยากโต ธมฺโม อุปฺปชฺชติ เหตุปจฺจยา… เหตุยา ฉฯ

6-1. วิตกฺกตฺติก-กุสลตฺติกํ